Back to Front Page


Share This Article!
Share
ግልፅ ጥያቄዎች ለኢትዮጵያ ጠ/ሚር ኣቢይ ኣሕመድ!

 

 

ግልፅ ጥያቄዎች ለኢትዮጵያ ጠ/ሚር ኣቢይ ኣሕመድ!

ክቡር ጠ/ሚኒስትር ኣቢይ አህመድ (ዶ/ር) ባልዋልንበት ጉዳይ ላይ ለምን ወነጀሉን? ለምንስ …?

 

(ነብየ ልኡል ዘገየ ረታ (ዶ/ር) ከሚነሶታ) e-mail: nezere123@gmail.com

 

(ክፍል ፩)

ጠቅላይ ሚኒስትራችን ወደምንኖርባት ስቴት, ወደ ሚነሶታ (Minnesota), ጁላይ/July 30/2018, ሊመጡ ነው ከተባለበት ቀን ጀምሮ እኛ, በሚነሶታ የምንኖርና ህጋዊ ፈቃድ ኣውጥተን የተደራጀን (ማሕበር ተጋሩ ኢትዮጵያውያን ሚነሶታ) ወይም   Ethiopian Tigray Community in Minnesota (ETCMN), እንደሌሎቹ የተለያዩ የኢትዮጵያ ማህበረሰብ (ኮሚኒቲዎች) የቦርድ አባላት ፣ የኮሚኒቲው መሪዎቻችንና, እንዲሁም እኔን ጨምሮ የኮሚኒቲው አባላት ጠ/ሚኒስትራችንን እንዴት በደመቀ ሁኔታ እንቀበላቸው? ምናልባት የጥያቄና መልስ ጊዜም (question and answer session) ካለም ምን-ምን ጥያቄዎች እንጠይቃቸው? ተባባልንና ይህንን በተቀናጀ መልኩ ለመከወን ጁላይ/July 28 በማህበራችን ፅ/ቤት ተገናኝተን ለሰኣታት ከተወያየን በኃላ በሙሉ ስምምነት ከልብ የመነጨ ኣቀባበል ለማድረግና ጥያቄዎቻችንም ለመጠየቅ ተስማምተን ተለያየን።

ጁላይ/July 30 ላይ ኣብዛኛዎቻችን በ Minneapolis Target Center በነበረው እጅግ ረጅም ሰልፍ ከጥዋቱ ኣራት ሰኣት ላይ (morning 10am) ጀምረን ተሰልፈን ከጠ/ሚኒስትሩ ጋር “…ተቃቀፉ ሲሉን ተቃቅፈን …”   ምንም እንኻን እዚሁ Target Center በተናገርዋቸው ኣንዳንድ የሚያዳላ የሚመስል ንግግራቸው ላይ በተወሰነ መልኩ “ለምን ግን እንዲህ ብለው ይናገራሉ ???”  “…ሆን ብለው ወይስ ሳያውቁ??? …” ያሉ ኣባላት ቢኖሩም መጨረሻ ላይ ግን ኣጨብጭበን ተደስተን “… ሁሉም የተናገሯቸውን ትርጉም እያወጣን ማሰባ ኣይገባም ….”  በሚል ደምድመን ለእራት ግብዣው ለመሳተፍ በቅርብ ርቀት ለማየትና … ወጣት ግን የሰላም ኣባታችን… ብለን የሰየምናቸው መሪያችንን በድጋሚ ለማየት JW Marriott Hotel ተመምን ።

ከፅሁፌ ርእስና ኣላማ እንዲሁም ጠ/ሚኒስትሩ ከኛ ጥያቄዎች ተመርኩዘው የተናገርዋቸውን በቀጥታ ለማገናዘብና ጠ/ሚኒስትሩ እንዲሁም ሌሎች ትክክለኛ ህሊና ሞራልና የሚያመዛዝን ኣእምሮ ላላቸው ኣንባቢያንና ተንታኞች የህሊና ፍርድ (moral judgment) እንዲያክሉበት ኮሚኒቲው (ETCMN) ወክለን ጥያቄዎች ያዘጋጀንና ጠ/ሚኒስትራችንን ለመቀበል ያስተባበሩ እነማን ነበርን??? እዚሁ የተሳተፍን ሰዎችስ: 

Videos From Around The World

1.  የኣገራችን ኢትዮጵያና የክልላችን ትግራይ እንዲሁም ኣሁን ትግራይን እያስተዳደረ ያለው ሕወሓት (TPLF) በተመለከተ ያለን ፖሊቲካዊ ኣቛምና ተሳትፎን ምን ይመስላል? ብሎ ማየቱና መግለፅ ለዚህ ፅሁፍ ኣላማና እኛና (ETCMN members) ጠ/ሚኒስትራችን በሚነሶታ በጥያቄና መልስ ምሽት የተፈጠረው ኣለመግባባትና ፍጥጫ ለምን ተፈጠረ? ጠ/ሚኒስትሩ የለጠፉብን ስምና የተሰነዘረብን ቁጣ, ማስፈራራት, “…ኣፋችሁን ዝጉ…” የሚል ዘለፋ ትክክል ነበር? ወይስ ፈጠራ (total fabrication)? ነጭ ውሸት (white lie)? ወይስ ከኣንድ የሃገር መሪ የማይጠበቅ ተራ ውንጀላ ነው? የሚሉትን ጥያቄዎች ለመመለስና ... ለወደፊቱስ እንዲህ እንዳይፈጠር ምን መገንዘብ? ምን ማስተዋል? ምን ብሎ መናገር ያስፈልጋል? ለሚሉ ጥያቄዎችን ቀጥታ መልስ የሚሰጥ።  በተጨማሪም ጠ/ሚኒስትራችንም ይኸንን ተገንዝበው ትምህርት የሚማሩበት ኣጋጣሚ ለመፍጠርም ስለሚረዳም ነው።

በመሆኑም እኛ በሚነሶታ የምንገኝ ኢትዮጵያዊያን የትግራይ ተወላጆች ጠ/ሚኒስትሩን ኣቀባበል እንድናደርግና ጥያቄዎቹን ለማዘጋጀት ያስተባበሩንና የተካፈልን በቁጥር 14 እንሆናለን ። ከዚህ ስብስብ ውስጥ የሕወሓት ኣባል የሆነ ሰው ኣልነበረም ብቻ ሳይሆን በመሪነት ደረጃ የነበሩ ኣንዳንዶቹ በድብቅ ሳይሆን በግልፅ ስማቸውን ሳይደብቁ ፅሁፎችን በታዋቂ ፎረሞችና ድረ-ገፅ ኣትመው የሕወሓት ትክክል ያልሆኑ ኣሰራሮችን በጠራራ ፀሃይ (in a broad day light) የሚቃወሙ ናቸው። ኣንዳንዶቹ ደግሞ በጓደኝነት ጨዋታም ይሁን በኮሚኒቲያችን ኣንዳንድ ስብሰባዎች ሕወሓትን በብዙ ነገር ትክክ ኣይደለም የሚሉ ናቸው, እንዲሁም በፖለቲካዊ፣ ማህበራዊ፣ኢኮኖሚያዊና ሌሎች ጉዳዮች ሕወሓት ብዙ ስህተት ኣለበት የሚሉ ናቸው።

ከተሰበሰብን ዉስጥ ምናልባት ኣንድ ሰውና እኔ ኣገር ቤት እያለን ከ17 ኣመታት በፊት መሆኑ ነው ሲቪል የኢ.ህ.ኣ.ደ.ግ ኣባላት የነበርን ስንሆን እኔ በግልፅ ራሴን የድሮ ኣባል የነበርኩ መሆኔን በሆነ ኣጋጣሚ ራሴን ካስተዋወቅኩኝ በኻላ ኣሁንም በሌላ ኣጋጣሚ የሕ.ወ.ሓ.ት ደጋፊ ብሆንም ከነበሩ ኣባላት በተለየ መልኩ የሕወሓትን … “…የትግራይ ህዝብና ሕዋሓት ኣንድ ናቸው…” ማለት ዴሞክራሲን የትግራይን ህዝብ ለመንፈግ የተፈጠረ መሆኑን, እንዲሁም ጠ/ሚር ኣቢይ ኣህመድ “... ሕወሓትና የትግራይ ህዝብ  ኣንድ ኣይደሉም...” ማለታቸው ሊያስመሰግናቸው ይገባል እንጂ ምንም ስህተት የለውም! ሕውሓትን ብቻ ማንሳታቸው ደግሞ ሌሎች ድርጂቶች የሕወሓትን ያክል ይህንን ኣመለካከት ስለማያራምዱ ነው... በማለት በመቀጠልም በጣም ኋላቀር ኣመለካከት መሆኑን ... በዚህ ኣይነት የሕወሓት ኣመለካከት ምክንያትም የትግራይ ህዝብ ... ብዙ መስዋእት ከከፈለ በኋላ የተሰቃየበት... ሰዎች ለምን ሌላ ኣመለካከት ኣመጣቹህ ተብለው ከስራ የተባረሩበት የተሰደዱበት በርግጠኝነት ማስረጃ ባይኖረኝም “… ሰዎች እስከ መገደል የደረሱበት …” ኣካሄድ ነው (ሕወሓትና የትግራይ ህዝብ ኣንድ ናቸው ብሎ ማሰብ) በማለት ሃሳቤን በነበረው ስብሰባ ገልጫለሁኝ ።

2. ሁለተኛው ስለ ኣስተባባሪዎቹ መጠቀስ የሚገባው ነጥብ ጠ/ሚኒስትራችን በተመለከተም ቢሆን፣ ኣብዛኞቻችን 99.9% ሳይሆን ከ100% በላይ ባህሪያቸዉን (character traits or personality), በኣገራችን በመሪነት ከተሰየሙበት ቀን ኣንስቶ ያስመዘገቡትን የፖለቲካ, የእርቅ, የሰላም, የመደመር, ኣብሮ ተቻችሎ የመኖር , ከጠላትነትና ከቂም በቀል መውጣት, የሚሉ ኣካሄድዎና ኣላማዎ እንዳለ ሳንሸራርፍ የምናደንቅና በሙሉ ልባችን የምንደግፍ ስንሆን… ኣንዳንዶቹ ግን  በተወሰነ መልኩና እጅግ በጥቂቱ ኣካሄድዎና ኣንዳንዴ በተለይ እዚሁ Unites States ከመጡ በኃላ የተናገርዋቸውን  የትግራይን ህዝብ በተመለከተ እርስበርስ የሚቃረኑ ኣባባሎችዎንና ንግግርዎን (completely contradictory ideas and sayings…)  በጥያቄ መልኩ (በኋላ ኣቀርባቸዋለሁ) በማስታወስና በመገንዘብ በተወሰነ መልኩ ትንሽ እርስዎን የበለጠ ማየትን የመረጡና ትንሽ የተምታታባቸው (confused የሆኑ) ነበሩ።

ክቡር ጠ/ሚኒስትር ኣቢይ ኣህመድና እውነተኛና ሞራል ያላቹህ ኣንባቢያንም ጭምር …  እኛ በሚነሶታ የምንገኝ ኢትዮጵያዊያን የትግራይ ተወላጆች ጥያቄ ስለጠየቅን ብቻ ጥያቄዎቻችንን በኣግባቡ መመለስ ብቻ ተገቢና እንዲያውም ከዲሲ (at Washington DC) ናፍቀውት ያጡትን “የሴቶች ተሳትፎ” ከዲሲ ጠያቂዎችዎ በተለየ መልኩ ወያንያዊ በሆነ ኣካሄድ ሴት እህታችንን በማሳተፋችን ሊሞጉሱንና ሊያደንቁን ሲገባዎት እህታችን “… ነታ ዋዕሮ፣ ንጓል ዋዕሮ፣ ኣዶ ዋዕሮ .... ነታ ሓየት፣ ጓል ሓየት፣ ሓፍቲ ሓየት፣ ወላዲት-ሓየት!!! ሓፍትና ልልይቲ!!! እምበር ልልይቲ ….”  እህታችንን ላነሳችው ጥያቄም ይሁን ብኣንደበትዎ … “ቅን-ጎልማሳ” … ያሉትን ወኪላችን ጨምሮ “…ጥያቂያችሁን በሁለት መልኩነው የማየው …”   “… ይህ ጥያቄ ያንቺ ሳይሆን የፖለቲካ-ነጋዴዎች ያቀናበሩት ነው …” እና ሌሎች ከርስዎ ስብእና የማይሄድ ንግግር ምን ኣመጣው??? …  እኛ ኢትዮጵያዊያን የትግራይ ተወላጆች ጥያቄዎ ያዘጋጀን በምን መነፅር, በየትኛው ህሊናዎት ገምግመውን ቢሆን ነው ጥያቄዎቹን ከጭንቅላታችሁ ያፈለቃችሁት ኣይደላም በማለት እንደዛ የንቀት መንፈስዎን የንቀት ኣንደበትዎን የሰነዘሩብን??? ምነው ምን ኣጠፋን? ለምንድነው ከሌላው ኢትዮጵያዊ በተለየ መልኩ እኛን ለይተው የዘለፉን??? በየትኛው የፖለቲካ ኣመለካከት ነው ኣንድ የሃገር መሪ የተወሰነውን የማህበረሰብ ኣባላቱን ላነሳቸው ጥያቄዎችን በእንደዚህ መልኩ የሚመልስ???

 እኛ ግን በሚገርም የፈጠራ፣ የውሸት፣ በሌለና ባልነበር, ኣድላዊ በሆኑ መልሶችዎ በጣም መገረም ብቻ ሳይሆን, ከስብሰባው በኃላ እኔው ራሴ ካሰባሰብኩት “…እንዴት ተሰማቹህ…?” በምትለዋ ትንሽዋ ጥናቴ (Study) ያገኘሁት መልስ ሁሉም በሚነሶታ የምንገኝ እርስዎን የተቀበልን ኢትጵያዊያን የትግራይ ተወላጆች የተሰማን ስሜት “… እንደ እሳት የሚያቃጥልና ይምቦገቦግ የነበረውን እርስዎን የመደገፍ ስሜታችንን ሚነሶታ ከሚታየው በረዶና ቅዝቃዜ በላይ (a water with more nagative temperature value) የቀዘቀዘ ዉሃ ላያችን ላን በውሸት ፣ በፈጠራና ባልዋልንበትና ወንጅለው ቀዝቃዛ ውሃዎን ላያችን ላይ ቸልሰውብን ከመገረምና ከመደንገጥ ባላይ “…ግን ለምን እንዲህ ኣሉን????” በሚለውን ጥያቄ ተተብትበን መልስ ያጣን ያገርዎ ሰዎች ስለሆን በኣስቸኻይ ከላይ ትተውብን የሄዱትን ጥያቄዎችና ሌሎች የትግራይ ህዝብን ግራ ያጋቡ ኣባባሎችና መልሶች እንዲመልሱልን በታላቅ ትህትናና በኣክብሮት እማፀንዎታለሁኝ።

 

 በፅሁፌ በተለያዩ ኣንቀፆች የማነሳቸው ያለሁኝ ጥያቄዎች፥ ኣስተባባሪው ኮሚቴውም ይሁን ኮሚኒቲው ወክየ እንዲሁም የትግራይን ህዝብ ወኪየ ሳይሆን በግሌ እንደ ኣንድ የዲያስፖራ የኢትዮጵያ ተወላጅነቴ ነው, ይሁን እንጂ, ሌሎች ኣባላትም እርስዎ እዚሁ ሚነሶታ መጥተው ጥያቄ በመጠየቃችን ብቻ ... የቁጣ፣ የውንጀላ፣ የዘለፋ፣ የኣድልዎ፣ የንቀት፣ የማግለልና እኛን ወክለው ጥያቄ ለጠየቁ ኣባሎቻችንን በማሸማቀቅና ጥያቄዎቻችንን ሲመልሱ “.... ይህንን ጥያቄ ያንቺ ኣይደለም...!!!”  “.... ይህንን ጥያቄ የፖለቲካ-ነጋዴዎች የሰጥዋችሁ ጥያቄ ነው...!!!   “... ይህንን ጥያቄ በሁለት መልኩ ነው   ከፍየ የማየው...!!!”  “..... ኣንቺ ጥያቄ መጠየቅ ኣያስፈልግሽም .... [ኣርፈሽ ተቀመጪ] እያሉ ከዚህም ኣልፈው “... ህግና ስርኣት ግብረገብና ጨዋነት በጎደለው ኣካሄድ “.... ይህንን የጠየቃችሁኝ ... ከደሙ ንፁህ ነን ለማለት ነው???” በማለት እኛን “.... ነብሰ ገዳዮች ናችህ ብለው ከኣንድ በሃገሬ በኢትዮጵያ ከእንግዲህ “...ኣንድም ሰው.... መገለል የለበትም “እያሉ ስለሰላም፣ ስለፍቅር ፣ስለኣንድነት፣ ስለመደመር፣ ስለመቻቻል ... በሰበኩበት ማግስት በማናቀው ባልዋልንበት እስከወነጀሉን ደቂቃ ድረስ ... ከ100% በላይ (more than 100% or 100% plus) እርስዎን የሚደግፉ የነበሩ መሆናቸውን ኣሁ ደግሞ ልክ እንደኔ ለምን ግን እንዲህ ተባልን?????? ለምን ግን እንዲህ ይሉናል???  ለምን ኢትዮጵያዊያን የትግራይ ተወላጆች ብቻ???  ብለው ጥያቄዎች በኣእምሮኣቹው በማሰላሰል እጅግ የተገረሙ እንደኔ ብዙ ለመጠየቅ የሚፈልጉ መሆናቸው ባውቅም እነሱን (ኮሚኒቲው) ወክየ ነው የምጠይቀ ያለሁኝ ለማለት ኣልደፈርኩም ፤ ምክንያቱም “... ኮሚኒቲው ወክየ ነው የምጠይቀው የምል ከሆነ ኣንደኛ ነገር ሁለም ኣባላት መጠየቅና ማስፈቀድ ኣለብኝ ሁለተኛው ምክንያት ደግሞ, ኣዘጋጅ ኮሚቴው ወይም ኮሚኒቲው ወይም 14 ኣባላት ወክየወክያለሁኝ የምል ከሆነ የምናገረውና የምለውን ሁሉ ተጠንቅቄ መናገር ፣ መፃፍ ይጠበቅብኛል .... ኣዩ እዚህ ላይ ክቡር ጠቅላይ ሚኒስትራችን ... እንዃንስ 100 ሚሊዮን ህዝብ የወከለ ሰው 14 ወኪያለሁ ካለ ቃላቶቹን ኣረፍተነገሮቹን ተጠንቅቆ መናገር ኣለበት ብቻ ሳይሆን ይጠበቅበታልም!!!

ክቡር ጠቅላይ ሚ/ሚንስትራችን: በእርስዎና በአንዳንድ የሕወሓት አባላት አለመግባባት እንዳለ በአንዳንድ ባልተረጋገጡ (hearsay) ምንጮች እንሰማለን። ወሬው እዉነት ነው ብለን ብንወስድንዃን:

 1. በደርግ ጊዜ ሰዎች የገደሉ, ሰው በሚገደልበት በዛን ዘመን በኪነትነት በኪነት- አስተዋዋቂነት ሲሰሩ አይዞህ በለው ግደለው እያሉ ሲሰብኩ የነበሩ።

2.  እስከአሁኗ ሰአት የኢህአዴግ አመራርና አባላትን ብቻ ሳይሆን የኢትዮጵያ ድንበር ጠባቂ ወታደሮችን የገደሉ ያስገደሉ በዚህ ዘመቻ ላይ በማስተባበር የተሳተፉ።

3.  በቀጥታም ይሁን በተዘዋዋሪ በሌሎች የሰው ህይወት ማጥፋትና  በሌሎችም ወንጀል የተሳተፉ.

4.  በጠራራ ፀሃይ ኣንድን ህብረተሰብ በጅምላ መጥፋት ኣለበት ብለው የሚሰብኩትን… በምሕረት ሲለቁና “…. ሁሉም ረስተን ወደ ሰላምና እርቅ እንመለስ …” ብለዉ ሲተቃቀፉ ምነዉ ከሕወሓት ኋዶቾ እንዲያ የማያረጉ???  የማይተቃቀፉበት ምክን ያት ምን ይሆን???

ጆሮ ለባለቤቱ ባዳ ነው የሚለውን ሰፋ አድርጌ ሳየው አእምሮም ሕሊናም ለባለቤቱ ለካ ባዶ ነዉ። እውነት እልዎታለሁ አሁን ለኛ ለትግራይ ተወላጆች በተለይ እዚህ ኣሜሪካ የመጡ ጊዜ ያሳዩን ባህሪ ለጆሮዎ ለህሊናዎ ባዳ እየሆኑ ነው እንጂ ረጋ ብለው ካሰቡበት ለማመን በሚያዳግት ሁናቴ ለሌላው ኢትዮጵያዊ ካሳዩት ጋር ሲነፃፀር በኣገራችን ኣባባል ልጅና የእንጀራ ልጅ እየሆነብን ነው።

ክቡር ጠ/ሚር ኣቢይ ኣህመድ!!! ኣሁን እንዳላሰለችዎት እዚህ ላይ ላብቃና በክፍል 2 (Part 2) ፅሁፌ ላይ በዲያስፖራ ኢትዮጵያውያን የትግራይ ተወላጆችና በትግራይ ህዝብ ላይ የተናገርዋቸውን በጣም የሚቃረኑ (so contadictory) ኣባባልዎችዎንና ጥያቄዎችን ይዤ እቀርባለሁኝ።

 

 

Back to Front Page