Back to Front Page


Share This Article!
Share
በድርጅታዊ ጉባዔው አብዮታዊ ዴሞክራሲን ለመተካት አቅጣጫ አልተቀመጠም

በድርጅታዊ ጉባዔው አብዮታዊ ዴሞክራሲን ለመተካት አቅጣጫ አልተቀመጠም- ወ/ሮ ፈትለወርቅ ገብረእግዚአብሄር

Oct 11, 2018 

አዲስ አበባ፣ ጥቅምት 1፣ 2011 (ኤፍ.ቢ.ሲ) የኢትዮጵያ ህዝቦች አብዮታዊ ዴሞክራሲያዊ ግንባር (ኢህአዴግ) በ11ኛው ድርጅታዊ ጉባኤ ግንባሩ የሚመራበትን አብዮታዊ ዴሞክራሲ ፕሮግራም ለማጎልበት አቅጣጫ ማስቀመጡን የኢህአዴግ ጽህፈት ቤት ኃላፊ ወይዘሮ ፈትለወርቅ ገብረእግዚአብሄር ገለጹ።

 

Videos From Around The World

ግንባሩ ላለፉት 27 ዓመታት ሲመራበት የነበረውን አብዮታዊ ዴሞክራሲን የሚተካ ርዕዮተ ዓለም ተጠንቶ ለመጪው ጉባኤ እንዲቀርብ ጉባኤው ውሳኔ አሳልፏል ተብሎ በአንዳንድ መገናኛ ብዙሃን የተሰራጨው መረጃ ስህተት መሆኑንም ተናግረዋል።

 

እንደ ኃላፊዋ ማብራሪያ፥ አንዳንድ የግንባሩ ብሄራዊ ድርጅቶች አባላት በጉባኤው ግንባሩ የሚመራበት አብዮታዊ ዴሞክራሲያዊ ፕሮግራም መለወጥ አለበት የሚል ሀሳብ አንስተው ነበር።

 

አባላቱ ባነሱት ጥያቄ ዙሪያ በጉባኤተኛው አስተያየት ከሰጠበትና ውይይት ከተደረገበት በኋላ አብዮታዊ ዴሞክራሲ ፕሮግራምን ይዞ ለመቀጠል ከስምምነት መደረሱን ወይዘሮ ፈትለወርቅ ገልፀዋል።

 

ግንባሩ በአብዮታዊ ዴሞክራሲያዊ አቅጣጫ በመጓዝ ለውጥ ማምጣት እንደሚችልም በሁሉም ዘንድ መግባባት መፈጠሩንም ተናግረዋል።

 

የፕሮግራም ለውጥ ለማድረግ ማሰብ ክልክል እንዳልሆነ ያነሱት ወይዘሮ ፈትለወርቅ፥ በተለያዩ ጊዜያትም ግንባሩ የፕሮግራም ለውጦችን ሲያደርግ እንደነበር አውስተዋል።

 

የፕሮግራም ማሻሻያዎችን ለማድረግና የሚተካ ርዕዮተ ዓለም እንዲጠና የሚወሰነው ግን በኢህአዴግ ጉባኤ ላይ አለመሆኑን ተናግረዋል።

 

የፕሮግራም ለውጥ ለማድረግ በስሜት ሳይሆን ጥናቶች ሊካሄዱ እንደሚገባም አንስተዋል።

 

እንደ ወይዘሮ ፈትለወርቅ ማብራሪያ፥ ከዚህ ቀደም ግንባሩ የፕሮግራም ለውጦችን ሲያደርግ ነበር፤ ማሻሻያዎች ሲደረጉ የነበሩት ጥናት ከተካሄደና መላው የድርጅቱ አባላት እንዲሁም ህዝብ እንዲወያይበት ከተደረገ በኋላ ነው፤ በርካታ ጥናታዊ ጽሁፎችና ኮንፍረንሶችም ከተካሄዱና መግባባት ላይ ከተደረሰ በኋላ ማሻሻያዎች ሲደረግ ነበር።

 

ምንጭ፦ የኢትዮጵያ ፕሬስ ድርጅት

Back to Front Page