Back to Front Page

ግብጽዬ

ግብጽዬ

የድሮው መሪሽ እስርቤት ያሉት
ሽርቡን ተንኮሉን ያቀነባበሩት
በግልጽ በቴሌቭዥን እንደተናገሩት

ፍርክርክ አልን ብትንትን
ሙሽሽ አለን ምንምን 
ጥንካሬን ጠልተን
ባንቺ ተረግመን
ስኳርሽን ቀምሰን
ዝቅ ብለን ወርደን
ልዑላዊነትን ንቀን
ልመናን መርጠን
ወጥመድሽ ውስጥ ገባን

ይሄው...
ኢንጅነር ስመኝን
በአደባባይ ደፍተን
ያመጣሽልንን ነውጥ
ተቀብለን እንደለውጥ

አመት አከበርን
ዘፈንን ጨፈርን
አመስግነን ፈጣሪን
ለዚህ ያደረሰን

ሶስት ሚሊየን ተፈናቃይ
እንደሌለ ክደን
ሸፋፍነን ደብቀን
እንደምንፋቀር
ቀን ከለሊት ሰብከን

ይኸው ግብጽዬ
ፍርክርክ ካልን
አንድ አመት ሞላን

ኢዮብ ከጮማ እምኒ

4-3-19

 

Back to Front Page