Back to Front Page


Share This Article!
Share
ሰላም አቶ አብዱልራህማን

 

 

 

ሰላም አቶ አብዱልራህማን

Beqele Berhanu February 28, 2019

ስለማይገዛው ህዝባችን የጻፍከዉን አነበብኩ። ትንሽ ሆድ የባሰህም መሰለኝ። አለበልዛማ ስንቱን ዘራፍ የምያሰኘውን የኢትዮጵያዊ ወኔ ቀስቃሽ አጀንዳ እንዴት ደፍረህ ታነሳው ነበር? ለፈጣሪም ለመንግስትም ለራሱም የማይመች ህዝብ አልክና አረፍከው።

በነገራችን ላይ አርቀህ ለማሰብ የምታደርገውን፤ የምትከተለዎን ምክንያታዊ ፖለቲካ (ሁሌም የማከብረው የድሮ ፖለቲከኛ ልደቱ ትዝ አለኝ)። በሃይለኛ አውሎ ነፋስ የምትናወጥ የምትመሰለው አገሬ ያንተ ቢጤ ሰብሳቢ ሃሳቦችን የሚያፈልቁ ግለሰቦች ካልተናገሩ፤ ካልጻፉ፤ ካልተማጸኑ ያገራችን አገር የመሆን ተስፋ አጠራጣሪ ነው።

Videos From Around The World

አባባሉን ሙሉ በሙሉ ባልቀበለዉም አመጣጥህ ይገባኛል። የምያበሳጭ ተስፋ የሚያስቆርጥ መላ-ቅጡ የጠፋበት ጊዜ ዉስጥ ስላለን ብሶታችን ብዙ ነው።

እንዳልከው ህዝብ እንደህዝብ ሊሳሳት ይችላል። ያ እንዲሆን ግን አንድ ቅድመ ሁነታ መኖር አለበት- አሳሳች ምሁር (የፖለቲካ እሊት ማለት ይሻላል መሰለኝ። አለበልዝያማ ፔኤችዲ ስለያዘ የተማረ ሁሉ ምሁር ከተባለማ አገር ገደል ገባች ማለት ነው)

ሂትለርና ሙሶሎኒ እጂግ በሚያስደንቅ ሁኔታ ህዝቡ ሆ ብሎ የመረጣቸው በኮርኳሪ አጀንዳቸው ያንን ህዝብ ስለማረኩት ነው። ግልብጥ ብሎ የመርጣችው ደግሞ አብዛኛው ድሃ ህዝብ ነበር።

ያ የአፋጂኝ ፖለቲካ ቅድመ ሁኔታ ባገራችን ስር እየሰደደ እየሄደ ይመስለኛል። በጠቅላይ ሚኒስትሩ መሪነት የሚውጠነጠነው በተለይ ትግራይን የማግለል ፖለቲካ ሃቅን ተንተርሶ ለሚፈርድ ሰው በጣም ግልጽ ነው።

በነገራችን ላይ እንደ ግለ-ሰብ የሚሰማንን ነገር መናገር ብንጀምር ካገር አፍራሾች ብዙም አንለይ። እናም ስለ መሰረታዊ ሃሳቦች ግድፈትና እንዴት መታረም አለባቸው የሚለው ላይ ማተኮር ጠቃሚ ይመስለኛል። ጊዜና ሁኔታ ከፈቀደ ጠቅላይ ሚኒስትራችን በተለያዩ ስብሰባዎች የሚናገሯቸዉ መሰረታዊ ግድፈቶች ላይ ትንሽ ሃሳቤን ማካፈል እፈልጋለሁ። ከሁሉም የሚደንቀኝ ያብዛኛው አዳማጭ የማገናዘብ ችሎታና የጭብጨባው ጋጋታ ነው።

ይባስ ብሎ ብቻችዉን እኮ ሆኑ ፤ አንድ ሰው ብቻዉን ምን ማድረግ ይችላል የሚለው አዲስ ፈሊጥ ነው። ጃንሆይ ምን አደረጉ ሚኒስትሮቻቸው ናቸው የምያበላሹት ትዝ ይሏል።

ያውልህ አብዱራህማን እኔ እንግዲህ ዲአስፖራ ስለሆንኩኝ የባጡን የቋጡን መዘባረቅ እችላለሁ።

አንድ ነገር ላንሳና ላገባደው ነገሩን። ዲሞክራሲ በኢትዮጵያ እንዴት ነው የምታየው። ፈረንጆቹ የሚሉት አይነት? ባህላችህን የእውቀታችን አድማስ፡ አስተሳሰቦቻችን፤ የዝባችን የድገት ደረጃ ምን ያክል ለዲሞክራሲ አዘጋጅተዉናል ወዘተ.. የሚሉ ጥያቄዎች በዉል መታየት የሚገባቸው ነገሮች ዪመስሉኛል።

እረ ለዚች ኢትዮጵያ ሰላም ያውርድላት። ጠ/ሚኒስትሩ እንደሆነ ሰላም የሚመጣው ህዝብ ሲፈልገው ብቻ ነው ብለው አረፉት። ስለ መንግስትና አስፈላጊነቱ ለመንግስት መሪ መንገር ይከብዳል።

ሌሎቹን በሌላ ጊዜ ለማውጋት ያብቃን።

 

Back to Front Page