Back to Front Page


Share This Article!
Share
የቆመ የመሠለዉ ሁሉ እንዳይወድቅ ይጠንቀቅ ።

ቆመ የመሠለዉ ሁሉ እንዳይወድቅ ይጠንቀቅ

በልኡል    ገብረመድህን (ከአሜሪካ )

መጋቢት 7 /2012.

     ፨  በመጀመሪያ እሁድ መጋቢት 1 , 2011 የኢትዮጵያ ንብረት በሆነው ቦይንግ 737 ማክሰ ስምንት ላይ በደረሰው አደጋ የተሰማኝ ሐዘን ወደር የለውም ። ለሁሉም መፅናናትን ሰመኝ የኢትዮጵያ አየር መንገድ ሰራ አስኪያጅ አቶ ተወልደ ገብረማርያም አሰተዳደር ለሚያደርገው የተቀላጠፈ ተደራራቢ የሥራ ክንውን እጅጉን ላመሰግን እፈልጋለሁ ።በድጋሜ  ለሁሉም መፅናናትን እመኛለሁ ፨

                     ለሁሉም ነፍሰ ይማር !

          My deepest condolence goes to those who have lost families and/ or friends on the Ethiopian Airlines Boeing 737 Max 8 accident occurred on Sunday March 10, 2019 in southeast Ethiopia Bisheftu areas on its way to Nairobi Kenya.

      

      በፖለቲካ መርህ መሠረት ድጋፍ ሆነ ነቀፌታ በስሜት ሳይሆን በመርህ ላይ መሆን እንዳለበት መዘንጋት ያለበት አይመስለኝም ።የአንድ ፖለቲካ መሪ ለማጥላላት ሆነ ለመንቀፍ  የሚከብድ አይሆንም ሆኖም ግለሰቦች በመንቀፍ የሚፈታ ማህበራዊ ችግር ግቡን አይመታም መሆን ያለበት ከግለሰብ ባሻገር የፖለቲካ ድጋፍ ሆነ ነቀፌታ ግለሰቡ በሚያራምደው መሠረተ ሐሳብ  ላይ ያጠነጠነ ቢሆን በርካታዎች ይስማማበታል የፖለቲካ አንዱ መርህ የሐሳብ በላይነት መቀበል ነው  ሁሉም ሰው ከራሱ አልፎ ማህበራዊ ሓሳብ ይኖረዋል ። ሆኖም የሐሳቡ ሚዛን ማህበራዊ ፋይዳ ይኑረው አይኑረው የሚለካ በውጤቱ ነው ። ፖለ ቲካ የሐሳብ ጥበብ ማዕከል ነው ።ተግባሩም የዜጎች ማህበራዊ ፍላጎት እና ደህንነት ማስጠበቅ ይሆናል ። በፖለቲካ የጥበብ ማዕድ ሐሳባውያን ፖለቲከኞች ይፈጠራሉ ። ተግባራቸውም የዜጎች ፍትሀዊ  አገልግሎቶች የሚያሳልጥ ሓሳብ ማፍለቅ ይሆናል ። የመንግስትነት ሰልጣን የፖለቲካ ውልደት ሆኖ ተግባሩም ዜጐች በፍትሐዊነት ማስተዳደር ይሆናል ። ፖለቲካ በጎሳ አይመራም ። ፖለቲካ  በትውውቅ ሆነ በዝምድና አይሰራም ፣ አይመራም ። ፖለቲካ የብዙ ሰዎች የአስተሳሰብ እና የአመለካከት ሰብሰብ ማሳለጫ መንገድ ነው ። ፖለቲካ በተሻለ ሓሳብ መገዛት ካልተቻለ ፖለቲካ ሳይሆን የግል ንግድ ድርጅት / private business / ከመሆን አይዘልም ። ብሔራዊ ሓሳብ እንዲኖር ከተፈለገ በሐሳብ ልህቀት ማመን ብሎም መተግበር ያሰፈልጋል ። ያለ ሀሳብ ልዕልነት ያደገ አገር አለም ላይ የለም ። በፁሁፌ የምጠቅሳቸው ሰዎች አስተሳሰባቸው እንጂ የግል ችግር እንዳልሆነ ከወዲሁ ለማሳወቅ እፈልጋለሁ ።

Videos From Around The World

                         “ ሰተት ብሎ ገብቶ ሰውየው ከሰው ቤት

                           ምጥ እንደያዛት ሴት እመቤት እመቤት

      ከላይ ያለው ዘይቤያዊ አገላለጽ  መጨነቅን ያመለክታል የሚል እምነት አለኝ  በፖለቲካ አካሔድ የሓሳብ አመለካከት ጊዜያዊ እና ከአለም አቀፍ ሁኔታዎች ጋር የሚቀያየር እንደሚሆን የሚያነጋግር አይሆንም  በተለይ አሁን አለም ከደረሰበት ሶሰተኛ አብዮት /3rd revolution of  technological phenomena / ጋር በተያያዘ የአለም ማህበረሰብ ማህበራዊ ትስስር ጨምሯል መረጃዎች በሰከንድ ህዝብ ጋር መድረስ የሚችሉበት  ዘመን በመሆኑ ማህበራዊ ክስተቶች በፍጥነት ህዝብ ጋር ይደርሳሉ ። የመረጃ ዘመን ተመራጭ ቢሆንም ችግሮችም ይኖሩታል ። በተለይ በመረጃ ላይ ካልተደገፈ ኢኮኖሚያዊ እና ፖለቲካዊ ቀውስ የመከሰት ሁኔታ ዝግ አይሆንም ። መረጃን በማፍሰስ የመገናኛ ብዙሃን ሚና ከፍተኛ ነው ።  መገናኛ ብዙሃን የፖለቲካ ፍላጎት ማርኪያ ከሆኑ ስራቸው የማህበራዊ ክስተቶች መረጃ ማዛባት /  information distortion / ይሆናል ። ይህ ደግሞ ለማህበራዊ ግጭቶች መንገድ ያበጃል ። የኢሳት መገናኛ ብዙሃን እንደ አብነት መጥቀስ ይቻላል ። ኢሳት በትግራይ ህዝብ ላይ የዘር ማጥፋት ዘመቻ በመፈፀሙ በተደጋጋሚ ማስተባበያ እንዲሰጥ ቢጠየቅም አሻፈረኝ እያለ ይገኛል ። የድርጅቱ ባለሞያ የሆኑ ጋዜጠኛ አቶ ሲሳይ  አጌና ጉዳይ አሜሪካ አገር ላይ በፍርድ ቤት ውሳኔ አግኝተዋል በመሆኑም ጉዳዩ መነሳት የለበትም የሚል ማስተባበያ ለማቅረብ ቢሞክሩም የሚሳካ መሆን አልቻለም ። ጉዳዩ ጋዜጠኛ አቶ ሲሳይ አጌና ብቻ የሚመለከት ባይሆንም የኢሳት መገናኛ ድርጅት ሰጣ ገባ ከማብዛት ለፈፀመው ስህተት የትግራይ ህዝብ ይቅርታ መጠየቁ አግባብነት አለው የሚል እምነት አለኝ ። ይህም እንደሚያደርግ ተስፋ አደርጋለሁ ። የቀድሞ የህወሓት ታጋይ ክቡር አቶ መኮነን ዘለለው ባለፈው ሳምንት የመገናኛ ብዙሃን ሚና ለዲሞክራሲ ግንባታ በሚል በጠቅላይ ሚኒሰቴር ቢሮ አስተባባሪነት በተዘጋጀው መድረክ ላይ ኢሳት ፈፅመዋል ያሉት ቅዋሜ በተገቢው አኳኋን ጉዳዩን ለማስተጋባት ሞክሯል ። ጋዜጠኛ አቶ ሲሳይ አጌና የሰጡት የአፀፋ መልስ ቆላ ባጠፋ ደጋ ተመታ የሚል ብሂል የሚስማማው ይመስለኛል ። ጋዜጠኛ አቶ ሲሳይ አጌና ሲመልሱ እንዲህ ብሎ ነበር “ ቤተመንግሥት በነበሩበት ጊዜ ሰው ሲያሰሩ ፣ ሲገርፉ ፣ ሲያሰቃዩ ከርሞ በእነርሱ ጊዜ ነፃነት ያልሰጡ አሁን ነፃነት ሲገኝ ይፈራገጣሉ”። የሚል አስተያየት ነበር። እኔ ለአቶ መኮነን ዘለለው ጥብቅና ለመቆም ሳይሆን እውነታው አቶ መኮነን ዘለለው በስደት እንጂ  ቤተመንግሥት እንዳልነበሩ በሚገባ አውቃለሁ ። በእኔ እምነት ተመራጩ ህዝብ ይቅርታ መጠየቅ ንቡር እንጂ ነውር አይደለም ። ሰለሆነም የኢትዮጵያ ሳተላይት ተሌቪዥን ሰራ አመራር ለፈፀመው የዘር ማጥፋት መልዕክት የትግራይ ህዝብ ይቅርታ መጠየቅ ተገቢ ነወ ። ህዝብ ይቅርታ ለመጠየቅ ችግሩ ምኑ ላይ ነው ? ። ይህ የመፈለግ ያለመፈለግ ጉዳይ ሳይሆን የህዝብ ጉዳይና ጉዳት ነው ።

     የኢትዮጵያ ሱሰነት በማስመር የመንግስትነት ሰልጣን ለመያዝ የበቃው የጠቅላይ ሚኒስቴር ዶክተር አብይ አህመድ አሰተዳደር ስራ ሲጀምር የብዙዎች ቀልብ ሰቦ እንደ ነበር ጥሬ ሀቅ ነው ። በተለይ የአዲስ አበባ ህዝብ (ወጣቶች ) ለዶክተር አብይ ድጋፍ ለማደረግ የህይወት መሰዋእትነት የከፈሉ እንደነበሩ የሚታወቅ ነው ። ዶክተር አብይ ለህዝብ የገቡት ቃል ሁሉም ባይሆንም ተስፋ ሰጪ እርምጃዎች በአጭር ጊዜ ለማከናወን የቻሉ ደፋር መሪ ናቸው ። በተለይ በገፍ ታሰሮ የነበሩ ዜጎች ከእስራት ነጻ እንዲሆኑ ትዕዛዝ ሰጥተዋል ። አገራቸው እንዳይገቡ እገዳ ላይ የነበሩ ዜጎች አገራቸው እንዲመለሱ ተደርጓል ። የፖለቲካ አድማስ እንዲሰፋ ሆነዋል ። በቀጠናው የተረጋጋ ሰላም እንዲሰፍን ጥረት እየተደረገ ይገኛል ። ግልጽነት ላይ ችግር ቢኖረውም የኢትዮጵያ እና የኤርትራ አገራዊ ትስስር ከነበረበት ዝግ ትብብር ተላቆ በጋራ ለመስራት የሚያስችል መግባባት ላይ መደረሱ አንዱ የዶክተር አብይ አሰተዳደር ጠንካራ ተግባር ተደርጎ ይመዘናል ። ዶክተር አብይ አህመድ ለኢትዮጵያ ህዝብ ከተናገሩት አንዱ የመንግስት ግልጽነት /Transparency / ነበር ። ሆኖም ይህ ቃል የውሃ ሸታ ሆኖ ቀረ ። የግልፅነት መሸርሸር በስፋት ይታያል ። ይህ በፍጥነት መስተካከል ካልተቻለ ዜጎች ለዶክተር አብይ አሰተዳደር ያላቸው እይታ በፍጥነት ሊለውጥ ይችላል ። በተለይ ዜጎች የማፈናቀል ተግባር ኢ ፍትሀዊ በመሆኑ በጥናት ላይ የተመረኮዘ መፍትሔ መሻቱ የተሻለ ይሆናል የሚል እምነት አለኝ ። በአዲስ አበባ ዙሪያ ላይ የሚነሱ አወዛጋቢ ችግሮች ቀላል በመሆናቸው በህዝባዊ ውይይቶች መፍታት ይቻላል ። የኦሮሞ ህዝብ ታላቅ የኢትዮጵያ አለኝታ ህዝብ ነው ። ለኢትዮጵያ ሁሉ አቀፍ ግንባታም የበኩሉን አሰተዋጽኦ ያበረከተ ህዝብ ነው ። የኦሮሞ መሬት የኢትዮጵያ መሬት ነው ። የኢትዮጵያ መሬትም የኦሮሞ ህዝብ ነው ። የኦሮሞ ህዝብ ከሌሎች የኢትዮጵያ ህዝቦች በአብሮነት መንፈስ ለመኖር የሚፈልግ ህዝብ መሆኑን በሚገባ አውቃለሁ ። ማህበራዊ ፍትህ የሚያሰፍንበት ማራኪ ባህላዊ የገዳ ሰርአት ምክርቤት ያለው ታላቅ እና አኩሪ ህዝብ ነው ። ሆኖም ይህ ታላቅ ህዝብ የኢኮኖሚ እድገቱ እንዳይሳለጥ በተለያዩ ወቅቶች ደንቃራ የአስተዳደር ችግሮች አጋጥሞታል ። አሁንም የኦሮሞ ህዝብ ያልተፈቱ ችግሮች አሉት ። አንዱ የልማት ችግር ሲሆን ሌላው የዲሞክራሲ ችግር ነው ። ኦዴፖ ሆነ ኦነግ የኦሮሞን ህዝብ የሚመጥኑ እንዲሁም የበቁ በዲሞክራሲ መርህ የሚመሩ የፖለቲካ ድርጅቶች አይደሉም ። የብሔር ድርጅት ከመሆናቸውም በላይ የጎሰኝነትና አክራሪነት ባህል ውስጥ የተሰገሰጉ የፖለቲካ ብቃት ችግር ያለባቸው መሆኑ በተግባር እየታየ ያለ ሀቅ ነው ። የኢህአዴግ አንዱ ክንፍ የሆነው የኦሮሞ ዲሞክራሲያዊ ፖርቲ (የቀድሞ ሰሙ =ኦሀዴድ) ከአዲስ አበባ እንዲሁም ከኮዮፈቾ የጋራ መኖሪያ ቤቶች (ኮንደሚኒየም ) ጋር በተገናኘ ያወጣው ድርጅታዊ መግለጫ ላነበበ ሰው ከመገረም ያለፈው ሰሜት እንደሚኖረው እገምታለሁ ። ለመሆኑ የኦሮሞ ህዝብ የሚኖሩባቸው የኢትዮጵያ መሬቶች የኢትዮጵያ መሬቶች ያለመሆናቸው ምን ማረጋገጫ ማቅረብ ይቻላል ?። የኢትዮጵያ መሬቶች ለኦሮሞ ህዝብ የሰጠው ማን ነው ?። አዳማ ፣ ጅማ ፣ አርሲ ፣አምቦ ፣ ባሌ ፣ ወለጋ ፣ ቦረና ፣ ወዘተረፈ ለኦሮሞ ህዝብ ማን ሰጠው ?። የአዲስ አበባ መስፋፋት ለኦሮሞ ህዝብ ፀጋ እንጂ ችግሩ ምኑ ላይ ነው ?። የኦሮሞ ህዝብ ሰርቶ ለፍቶ ልማት ማፋጠን እንጂ ልዩ ጥቅም በማግኘት የኢኮኖሚ ሆነ ማህበራዊ ለውጦች ሊያረጋግጥ ፈፅሞ የሚቻለው አይሆንም ። ሆኖም በልማት ምክንያት የኦሮሞ ህዝብ ያለበቂ የኑሮ መደላድል መፈናቀል የለበትም ። ለዚህም ህዝቡ ለኢኮኖሚያዊ ጥቅሙ ዘብ መቆም ይኖርበታል ። የኦሮሞ ህዝብ ፍትሀዊ የኢኮኖሚ ተጠቃሚነት በሚገባ መረጋገጥ ይኖርበታል ። የኦሮሞ ህዝብ የኢትዮጵያ ኩራት ህዝብ ነው ።

    የዶክተር አብይ አሰተዳደር የኦሮሞ ጥቅሞች ወይም የኦሮሞ የሰልጣን የበላይነት ለማስፈን የሚያደርጉት አንዳች ምክንያት ያላቸው አይመስለኝም ። የዶክተር አብይ ችግር የተወሰነ ቢሆንም ዋናው ችግር የሆነው ዶክተር አብይ በሚመሩት የኦሮሞ ዲሞክራሲያዊ ድርጅት /ኦዴፖ/ ውሰጥ የተሰገሰጉ ካድሬዎች የሚያራምዱ የዘር ቆጠራ ፖለቲካዊ አባዜ ነው ። የምንሊክ ሰፋሪዎች የሚል የተዛባ ታሪክ ይዞ የዶክተር አብይ ድርጅት የሚነዱ ጠባብ ብሔርተኞች እየተበራከተ መሆናቸው የሚያሳዩ መረጃዎች አሉ ። የሸዋ ኦሮሞዎች ላይ የሚደረገው ሴራ እና ወከባ ከማሳዘን አልፎ የፖለቲካ ብስለት ችግር እንዳለም በግልጽ ያሳያል ። የአምቦ ኦሮሞ ፣ የሸዋ ኦሮሞ ፣ የባሌ ኦሮሞ ፣ የአርሲ ኦሮሞ ፣ የወለጋ ኦሮሞ ፣ የጂማ ኦሮሞ እያሉ መበጣጠስ ለምን አስፈለገ ?። አሁን ሰልጣን ላይ ያለው መንግስት የኦሮሞ መንግስት የሚመስላቸው ሰዎች በርካታ እንደሚሆኑ እገምታለሁ ። ሆኖም ስህተት ነው ። በእርግጥ የኢትዮጵያ ህገ መንግስት ብሔር ላይ ያተኮረ መሆኑ ተቀባይነት ባይኖረውም ህገ መንግሰቱ የኢትዮጵያ ብሔር ብሔረሰቦች ናቸው ። በመሆኑም አገር ማስተዳደር ያለባቸውም በህገ መንግሰቱ መሰረት ብሐረሰቦች ይሆናሉ ማለት ነው ።በዚህ መሠረት የኦሮሞ ክልላዊ መንግስት እንጂ የኦሮሞ የፌዴራል መንግስት አይኖርም ። ሰለዚህ የኦሮሞ ህዝብ መንግስት አይደለም ። የ 150 አመት የታሪክ ሒሳብ ለማወራረድ የሚከጅሉ የኦሮሞ ዲሞክራሲያዊ ድርጅት ካድሬዎች የጨለማ ጉዞ ላይ መሆናቸው ከእነርሱ በላይ የሚያዝ ያለ አይመስለኝም ። አገር የሚገነባው በተሻለ የሐሳብ ልዕልና እንጂ በቆየ የታሪክ ቁርሾ ላይ በመንቆናጠጥ እንዲሁም በቂም በቀል የሚደረግ የፖለቲካ ሰልጣን አይመስለኝም ። የዶክተር አብይ አሰተዳደር ችግሮች የገጠሙት ይመሰላል ። ወጣ ወጣና እንደ ሸበቆ ተንከባለለ እንደ ሙቀጫ እንዳይሆን ያሰጋል ።ዶክተር አብይ ፈታኝ ጊዜ ላይ መድረሳቸው በሚገባ አውቃለሁ ። ማድረግ ያለባቸው ጠንቅቆ የሚያውቁ ይመስለኛል ። ዶክተር አብይ በአክራሪ የኦሮሞ ካድሬዎች ሴራ እየተፈፀመባቸው ነው ። ሳይቀደሙ መቅደም ያሰፈልጋል ። በውጭ ጉዳይ ነበር ዶክተር ወርቅነህ ገበየሁ የተሸረበ ሴራ ከሽፏል ። ዶክተር ወርቅነህም ከቦታቸው ተነስተዋል ። የኦነግ ውስጣዊ ሴራዎች ቢሆኑም በቀላሉ የሚታዩ አይደሉም ። ኦነግ የኦሮሞ አንድነት ብሎም የኢትዮጵያ አንድነት እንዲጠናከር ፍላጎት የለውም ።

    የዶክተር አብይ አሰተዳደር የሰላም ጥሪ ተቀብሎ ኢትዮጵያ የተመለሱ የጎሳ ፖለቲካ አራማጅ ሰዎች የዶክተር አብይ አሰተዳደር አጀንዳ ለመቀየር የማይቆፍሩት ጉድጓድ የለም ። የኦሮሞ ሰብዓዊ መብት ተቆርቋሪ ነኝ ባዩ አቶ ጃዋር መሐመድ የኦሮሞ መገናኛ ብዙሃን (Oromo Mass Media ) ዋና ተጠሪ ናቸው ። ከአቶ ጃዋር መሐመድ ጋር በከፊል የምስማማባቸው መሰረተ ሐሳቦች ቢኖሩም በበርካታ ጉዳዮች ላይ ግን የጎሉ ልዩነቶች አለኝ ። በመጀመሪያ አቶ ጃዋር መሐመድ በኢትዮጵያ አንድነት የማያምኑ ጠባብ እና ጎሰኛ ፖለቲከኛ ናቸው ። ግለሰቡ የሚያራምዱት ሀሳብ ተለዋዋጭ በመሆኑ የሐሳባቸው ተጋሪ ለመሆን ያስቸግራል ። የአቶ ጃዋር ትልቁ የሐሳብ መሠረት ሥራ አጥ የኦሮሞ ወጣቶች (ቄሮዎች) ናቸው ። የቄሮዎች እንቅስቃሴ ከተቀየረ የጃዋር እንቅስቃሴ በቀጥታ በሐሳብ ቸነፈር ይመታል ። የኦሮሞ ወጣቶች ለአገር ግንባታ ከማዘጋጀት ይልቅ አጠናና ገጀራ ላይ ትኩረት እንዲያደርጉ የአቶ ጃዋር ተሳትፎ የላቀ ነው ። በመሆኑም  ጃዋር ያልበሰለ የጥላቻ ፖለቲካ የሚያራምድ ፣ በጠባብ አሰተሳሰብ የተዋጠ ፣ ለግል ሰብዕና የሚያደላ ሰው ነው ። ጃዋር ሌላው ችግር በዲሞክራሲ መርህ የሚያምን  ፣ ለዛም የሚገዛ ሰው አይደለም ። ሆኖም ሶስት የሐይል አሰላለፍ እቅዶች ነድፈው የኦሮሞ ወጣቶች ለብሔራዊ አደጋ በማጋለጥ ላይ መሆኑ ስረዳ በእጅጉ አዘንኩኝ ። መጀመሪያ በስልጣን ፣ ቀጥሎ በድርድር ፣ ሁለቱ ካልሰሩ በገጀራ የኦሮሞ ጥቅም እሰከብራለሁ በማለት የሰራ እቅድ አውጥቶ በመሰራት ላይ ይገኛሉ ። የአቶ ጃዋር አካሔድ አደገኛ በመሆኑ ፈፅሞ ለታላቁ የኦሮሞ ህዝብ አይበጅም ። ሰለሆነም የኦሮሞ ወጣቶች ከሐይል አካሔድ ተላቆ ለሰፊው የኦሮሞ ህዝብ መብትና ጥቅም መከበር ትግበራ ላይ አገራዊ አሰተዋጽኦ ማድረግ ይገባቸዋል ። የኦሮሞ ወጣቶች በአቶ ጃዋር መሐመድ እንደ ውሃ መሰመር ባንባ የሚከፈቱ ፣ የሚዘጉ መሆን ያለባቸው አይመስለኝም ። ባለማወቅ ካልሆነ በቀር የጃዋር አሽከር መሆን የሚፈልግ የኦሮሞ ወጣት ያለ አይመስለኝም ። አቶ ጃዋር ድብቅና ፣ አምባገነን ፣ እንዲሁ ጠባብ ብሔርተኛ ነው ። በሐሳብ ልዕልና አያምንም ። በዲሞክራሲ አያምንም ። በፍትህ አያምንም ። በኢትዮጵያ አንደነት አያምንም ። ጃዋር መሐመድ አገር አፍራሽ እንጂ ገንቢ ሰው አይደለም ።በመሆኑም በጊዜ መወገድ አለበት ። የኦሮሞ ወንድም ህዝብ ከተቀረዉ ወንድም የኢትዮጵያ ህዝብ ጋር የማያቋርጥ ማህበራዊ ችግር ሳጥን ውስጥ ለመክተት እየዳዳ በመሆኑ የኦሮሞ ወጣቶች ጃዋርን አትጠቅመንም እንደሚሉት ምንም ጥርጥር የለኝም ። ይህ ሰው በኢትዮጵያ የሐይማኖት ግጭት እንዲነሳ የውጭ ተልእኮ ተቀብሎ ለማስፈጸም የሚተጋ ተላላኪ ነው ።

    አቶ ጃዋር መሐመድ ሐይማኖት እና ፖለቲካ ጋር የተቆራኘ የፖለቲካ አካሔድ ይከተላል ። ይህ በራሱ አደገኛ አካሔድ ነው ። ግለሰቡ የእምነት ግጭት ለማስነሳት በቅርብ ርቀት ላይ ሆኖ የፖለቲካ ውዝዋዜ የሚከታተሉ ሰው ናቸው ። ጃዋር በዶክተር አብይ አሰተዳደር ላይ ኢ ህጋዊ ጫና ለማድረግ ብዙ ቢፈተፍትም ተቀባይነት ያገኘ አይመስልም ። በመሆኑም በዶክተር አብይ አሰተዳደር ላይ የሴራ ፖለቲካዊ በማሴር ላይ የሚገኝ  ጃዋር ከአዲስ አበባ በሀያ ኪሎሜትር ርቀት ኮዮ ፈቾ ላይ መንግስት ያስገነባቸው የጋራ መኖሪያ ቤቶች ከኦሮሞ ውጭ ለሌሎች ተላልፎ አይሰጡም በማለት ቄሮዎች እንዲታገሉ መልዕክት አስተላልፈዋል ። ልብ እንበል እንደ  ጃዋር መሐመድ አመለካከት ከኦሮሞ ህዝብ ውጭ በኦሮሚያ ክልል ቤት ሰርቶ የመኖር መብት ያለው ዜጋ አይኖርም ማለት ነው ። ይህ ደግሞ ከእውነታ ውጭ ነው ። የኦሮሞ ህዝብ ፍላጎትም አይደለም ። ኦሮሚያ የኢትዮጵያ የፌዴራል ክልል አሰተዳደር እንጂ ራሷ  የቻለች አገር አይደለችም ። በመሆኑም በአንድ አገር እየኖሩ ልዩ የህዝብ ጥቅም ላይ ንትርክ ውሰጥ መገባቱ ሞኝነት ቢሆን እንጂ የብልህ የኦሮሞ ህዝብ አመለካከትና አሰተሳሰብ አይመስለኝም ።  አዲስ አበባ ከኦሮሚያ  አነሰተኛ ከተሞች ጋር የሚዋሰን በመሆኑ ለአዋሳኝ  ቦታዎች ልዩ መጠየቅ እብደት እንጂ ተገቢ ነው አልልም ። ሆኖም ግን በአዋሳኝነት ሳይሆን ልማትና የአገልግሎት አውታሮች ተጠቃሚ የመሆን የማንም ፍላጎት ሳይሆን የዜግነት መብት እንደሆ ቢታወቅም ይበጃል ።  የአዲስ አበባ ልማት መስፋፋት ለኦሮሞ ህዝብ ቢጠቅም እንጂ አይጎዳም ። በኦሮሚያ ክልል በሚገነቡ የጋራ መኖሪያ ቤቶች የኦሮሞ ህዝብ ተጠቃሚ ቢያደርገው እንጂ አይጎዳውም። ምክንያቱም የቤቶች ተጠቃሚ አንዱ የኦሮሞ ህዝብ ነው ። የጋራ መኖሪያ ቤቶች እንደ ፖለቲካው ብሔር ተኮር አይደሉም ። የብሔር ኮታ ተዋፅኦ መሠረት ተደርጎ የተሰሩ ወይም የሚሰሩ አይደሉም ። መንግስት በሚያሰገነባቸው የጋራ መኖሪያ ቤቶች ተጠቃሚ በቁጥር የኦሮሞ ህዝብ ይበዛል ። ታድያ የኦሮሞ ህዝብ ጉዳት ምኑ  ላይ ነው ?። የጋራ መኖሪያ ቤቶች ከኦሮሞ ህዝብ ውጭ የሚከፋፍሉ አይደሉም ። ታድያ ችግሩ ምንድ ነው ?። ጃዋር መሐመድ የኦሮሞ ህዝብ ማጭበርበር አቁም !!!!.  Go hell ! let the Oromo people live peace and free . Stop making trouble !.

     አቶ ጃዋር መሐመድ ውስን ጠንካራ ሐሳቦች ቢኖሩትም አክራሪ ፖለቲከኛ በመሆኑ ለኦሮሞ ህዝብ የሚፈይደው መልካም ፋይዳ አለ ብዬ በግሌ መገመት ይከብደኛል ።እኔ እንደምረዳው  ጃዋር ለኦሮሞ ህዝብ መቆርቆር ጉዳት እንጂ ማህበራዊ ሆነ ኢኮኖሚያዊ ለውጥ ይኖረዋል ብዬ ለማመን ያዳግተኛል ። የዶክተር አብይ አሰተዳደርም ከአቶ ጃዋር መሐመድ መንጋ አሰተሳሰብ መላቀቅ አለበት የሚል እምነት አለኝ ። ጃዋር ተራ ግለሰብ እንጂ ሰው ለማሰርም ሆነ ለመፍታት የሚያበቃ ሰልጣን ያለው አይመስለኝም ። በመሆኑም እንደማንኛውም ተራ ዜጋ ከመኖር ውጭ ሌላ ልዩ ጥበቃ ሊደረግለት የሚገባ አይመስለኝም ። አሁን ባልታወቀ ምክንያት  ጃዋር መሐመድ ኢትዮጵያ ባይኖርም የኦሮሞ ወጣቶች ከመበታተንና ከመበጥበጥ ሊቆጠብ ይገበዋል ። የኦሮሞ ወጣቶችም በስሜት ሳይሆን በምክንያት ላይ ያተኮሩ የለውጥ ተሳትፎ ማደረግ ያሰፈልጋል ።የኦሮሞ ወጣቶች የግለሰብ ፍላጎት መጠቀሚያ ከመሆን መቆጠብና አርቆ ማሰብ ይኖርባቸዋል ። የኦሮሞ ወጣቶች በመርህ እንጂ በግለሰብ ፍላጎት መናድ እንዲያቆሙ በዚህ አጋጣሚ መልዕክቴን ማስተላለፍ እፈልጋለሁ ። ከተቀረው የኢትዮጵያ ወገኖቻቸው ጋር በሰላምና አንድነት ለመኖር የበኩላችሁ አሰተዋጽኦ እንድታደርጉ የሁሉም ኢትዮጵያዊ ዜጋ ፍላጎት መሆኑን አፌን  ሞልቼ መናገር እችላለሁ ። የኦሮሞ ወጣቶች የኢኮኖሚ ተጠቃሚነት የሚረጋገጠው በአንድነትና መተሳሰብ ላይ በሚኖረው ማህበራዊ ትስስር ብቻ ነው ። ብቻውን በኢኮኖሚ ያደገ ክልል ሆነ  አገር የለም ። ጃዋር መሐመድ ግፈኛው የህወሓት አመራር ከቤተመንግስት አውጥቼ የዶክተር አብይ አሰተዳደር በጊዜያዊነት ቤተመንግሥት ያሰገባሁት እኔ ነኝ በማለት ሲደነፋ ነበር ። ግን ህወሃት ከቤተመንግስት ያስወጣው ሐይል ለመኖሩ  ጃዋር ያውቅ እንደሆነ  እንጂ እኔ ህወሃት በሐይል ስልጣን መልቀቁን አላውቅም ። እኔ  የማውቀው እስከአሁን ድረስ የኢህአዴግ መንግስት ቤተመንግሥት ውሰጥ እንዳለ ነው ።

    አቶ ጃዋር መሐመድ የአብይ አሰተዳደር ለማዳከም በከፍተኛ ደረጃ በመንቀሳቀስ ላይ ነው ። በአንድ በኩል ከቤተመንግስት አባረርኩት ካለው  ወያነ ጋር ለመስራት በመሯሯጥ ላይ ሲሆኑ በሌላ በኩል ደግሞ የዶክተር አብይ አመራር ለእኔ መታዘዝ አቁመዋል በመሆኑም ዶክተር አብይ የሚመራው የኦሮሞ ፖለቲካ ድርጅት መሰንጠቅ አልያም በኦነግ መተካት አለበት የሚል ቅሰቀሳ ጀምረዋል ። የሸዋ ኦሮሞዎች የእኔን እቅድ አይቀበሉም ሰለሆነም ኦሮሞ ለመሆናቸው የዘር ሐረጋቸው መጣራት የሚል የሴራ ፖለቲካ ጨዋታ በማድመቅ ላይ ነው ። ዶክተር አብይ የፖለቲካ አጣብቂኝ ላይ ደርሰዋል ። አንዱ ከውጭ አገር በገቡ ጎሳኛ የኦሮሞ ፖለቲከኞች ምክንያት ሲሆን ሌላው የኢህአዴግ ቀጣይ እጣፈንታ ነው ። ኢህአዴግ በቅርቡ የፖለቲካ መሰመር ለውጥ እንደሚያደርግ ዶክተር አብይ መናገራቸው ይታወሳል ። ዶክተር አብይ በፍጥነት ያሉት ችግሮች መፍታት ላይ ከዘገዩ ሰልጣን እስከመልቀቅ አስገዳጅ ሁኔታ ሊያጋጥማቸው ይችላል ። በውጭ ጉዳይ ላይ የጀመሩት የአመራር ማጥራት ሰራ በሌሎች ተቋሞች ላይም ተጠናክሮ ቢቀጥል መልካም ነው ። በኦሮሚያ እንዲሁም በአማራ ክልል በሙስና የሚፈልጉ አመራር ሀላፊዎች ላይ በተገባው ቃል መሰረት በፍጥነትና ጥራት ቢቀጥል በአገር ላይ የሚያመጣው ለውጥ የላቀ ይሆናል ። የኦሮሞ ህዝብ የሚከፋፍሉ ጠባብ ጎሰኞች ላይም ክትትል ቢደረግ ለአገር ደህንነት ይበጃል የሚል እምነት አለኝ ። ዘመኑ የኦሮሞ ህዝብ ሳይሆን የሁሉም የኢትዮጵያ ህዝቦች የጋራ ዘመን ነው ። እየተደረገ ያለ ጭፍን አካሔድ ከታሪክ አተላነት አያልፍም ። ለኢትዮጵያ አንድነትና ለመጪው ትውልድ የሚጠቅም ተግባር ለመስራት እንጣር ።ይህ ካልሆነ ለውድቀት መሰራት እንደማለት ይሆናል ። ይህ ደግሞ ለሁሉም አይበጅም ። ዜጎች ማፈናቀል ይቁም !!!!.

    የዶክተር አብይ አሰተዳደር የፈጠራቸው ችግሮች በቶሎ ካልታረሙ የህዝብ ድጋፍ በፍጥነት ይቀንሳል ፣ አልያም ህዝቡ ጭራሽኑ ለዶክተር አብይ አሰተዳደር ድጋፍ መሻሩን ያቆማል ። የጠቅላይ ሚንስቴር ዶክተር አብይ አህመድ አውራ የአስተዳደር ችግሮች ፦

1.   የግልጽነት ችግር ። ዜጎች የመንግስት ክንውን እንቅስቃሴ እውነተኛ መረጃ የማግኘት ሙሉ መብት አላቸው ። የዶክተር አብይ አሰተዳደር የግልጽነት ችግር በስፋት ይስተዋላል ። አልሰማንም ፣ አላየንም መባል መጀመሩ ያሳዝናል ።

2.   ከአዲስ አበባ ጋር በተያያዘ የአቋም መለዋወጥ ችግር ። አዲስ አበባ የሁሉም የኢትዮጵያ ህዝቦች መናገሻ ከተማ ናት ።  አገር በአግባቡ ማስተዳደርና መምራት እንጂ የአንድ ወገን ፍላጎት (የቄሮዎች) ለማሟላት የፌዴራል መንግስት ጣልቃ ገብነት አይኖርም ።

3.   የስልጣን አሰጣጥ ችግር ። ሰልጣን የማስፈፀም አቅምና ችሎታን መነሻ ያደረገ መሆን ሲገባው የጎሳ ተዋፅኦ በሚል ሰዎች በማይመጥን የፌዴራል የመንግስት ሰራ ላይ እንዲመደቡ ማድረግ ችግር ከመፍታት ይልቅ ውክልና አላገኘሁም የሚል ችግር ያሰፋል ። በአዲስ አበባ አሰተዳደር ውሰጥ የተሟላ ውክልና የለኝም የሚለው የአማራ ዲሞክራሲያዊ ድርጅት የስልጣን መነሻ ጎሳ ተኮር በመሆኑ እንጂ የአስተዳደር ችሎታና ብቃት ተመዝኖ አይደለም ። የሸዋ ፣ የአምቦ ፣የጅማ ፣ የወለጋ ፣ የባሌ ፣ አርሲ ወዘተረፈ ኦሮሞ በፌዴራል መንግስት ውክልና የለንም የሚል የወረደ አሰተሳሰብ እየተስፋፋ ነው ።

4.   የሰብዓዊ መብት ጥሰቶች እንዲሁም በሙስና ቅሌት የሚጠረጠሩ በየክልሉ ያሉ የመንግስት ሀላፊዎች ላይ የሚወሰደው የህግ እርምጃ መዘግየት ወይም የህዝብ ፍላጎት የሚመጥን በጉዳዩ ላይ ተገቢ የመንግስት ማስተባበያ ያለመስጠት ችግር ።

5.   በፌደራል ክልል መስተደድር ላይ ለዘብተኛ መሆን ። ክልሎች ህገ መንግሰታዊ ሰልጣን ቢኖራቸውም ከፌዴራል መንግስት ጋር በሚያስተሳስራቸው ጉዳይ ላይ በጋራ መሰራት ይኖርባቸዋል ።

6.   በየክልሉ ስርአት አልባ የጎበዝ አለቆች መበራከት ። ይህ የዶክተር አብይ አሰተዳደር የህግ የበላይነት ችግር አንድ ማሳያ ነው ።

7.   የዜጎች መፈናቀል ። የህግ የበላይነት ማረጋገጥ ላይ አሁንም ችግሮች አሉ። በአንዳንድ የፌደራል ክልል አሰተዳደር ዜጎች ይፈናቀላሉ ፣ ያለፍርድ ትዕዛዝ የሚታሰሩ ዜጎችም አሉ። ይህ አሳሳቢ ነው ። የጌዲዮ ህዝብ ችግር እንደ አንድ ማሳያ ማቅረብ ይቻላል ። በአሁኑ ወቅት ከ ሀምሳ አራት ሺ በላይ የጌዲዮ ተፈናቃዮች የምግብ እጥረት አጋጥሟቸዋል።

8.   የኢኮኖሚ ማሽቆልቆል ። ይህ በሒደት ለዶክተር አብይ ፈታኝ ችግር ይሆናል ። የኢትዮጵያ መንግስት ከፍተኛ የሚከፈል የውጭ ብድር እዳ አለበት ። ከአስር ቢሊዮን ዶላር በላይ ለቻይና የሚከፈል አገራዊ እዳ ነው ። በአጠቃላይ ኢትዮጵያ ከሃያ ቢሊዮን ዶላር በላይ የሚከፈል የውጭ እዳ ውሰጥ ተዘፍቃለች። ዶክተር አብይ የአገር እዳ የተረከቡ መሪ ናቸው ።

 

 

 

Back to Front Page