ሰላም፣ልማትና ዴሞክራሲ የሰፈነባትን ሃገር ለመገንባት ሁሉም የድርሻውን ሊወጣ ይገባል—ዶክተር ደብረጽዮን ገብረሚካኤል
ምክትል ርዕሰ-መስተዳድሩ ይህን የተናገሩት “ህገ-መንግስትና ህብረ-ብሄራዊ ፌዴራላዊ ስርዓትን ማዳን ለዴሞክራሲያዊ ሀገራዊ አንድነት” በሚል መሪ ቃል ዛሬ በመቀሌ ከተማ የተጀመረውን ሀገር አቀፍ የምክክር መድረክ ሲከፍቱ ነው ። ባለፉት ጥቂት ዓመታት አንዣብቦ በታየው ፖለቲካዊ አለመረጋጋት የዜጎች መብቶች በአደባባይ ሲጣሱ የታየበት ፣ ህዝቦች በነፃነት ተንቀሳቅሰው መስራት የማይችሉበት፣ ሃብት ለማፍራት የተቸገሩበት ፣ ለጥቃት የተጋለጡበትና የህግ የበላይነት አደጋ ላይ የወደቀበት መሆኑንም ተናግረዋል። “ይህ አስከፊና አደገኛ ሁኔታ ለዜጎች ህይወት መጥፋት ፣ ጉስቁልናና የወደፊት ተስፋ መታጣት ምክንያት ሆኗል” ያሉት ዶክተር ደብረፅዮን በዚህ ከቀጠለ በአገሪቱ አንድነትና ህገ-መንግስታዊ ስርዓት ላይ የከፋ አደጋ እንዳይከሰት ስጋት መፍጠሩንም አስረድተዋል። “እየታየ ያለውን ከፍተኛ ስጋትም ሁላችንም ተባብረን በመታገል ህዝቦቻችን የሚፈልጉትን ሰላም ፣ ልማትና ዴሞክራሲ ለማስፈን ችግር የሚፈጥሩ አካላትን በብቃት መመከት አለብን” ብለዋል ። “አሁን በአገሪቱ በስፋት እየተከሰቱ ያሉትን ቸግሮች ህገ-መንግስቱን ካለማክበርና የህግ የበላይነትን ካለማረጋገጥ የሚመነጩ ናቸው” ብለዋል።
እየተፈጠሩ
ላሉት ችግሮች
ምክንያቱ የፌዴራል
ስርዓቱ እንደሆነ
ለመግለጽ የሚሞክሩ
ሃይሎች መኖራቸውን
ገልጸው የብሄር
ግጭቶች፣ማንነት ላይ
ያነጣጠሩ ጥቃቶች “ብዝሃነትን መሰረት ያደረገው ፌዴራላዊ ስርዓት አሉታዊና አወንታዊ ገፅታዎች እንዳሉት የማይካድ ሀቅ ነው” ያሉት ምክትል ርእሰ-መስተዳድሩ አወንታዊ ገፅታውን በማጠናከርና አሉታዊ ገፅታውን በማስተካከል ህብረ-ብሄራዊ ፌዴራሊዝምን ማስቀጠል አማራጭ የለውም” ብለዋል። “አሁን የገባንበት ፖለቲካዊ ሁኔታ በአግባቡ ተመርቶ በጥበብ ማለፍ ካልቻልን ከባድ ጉዳት ሊያጋጥመን ይችላል” በማለት ለህገ-መንግስቱና ለፌዴራላዊ ስርዓቱ መጠናከር ሁሉን አቀፍ ትግል ማድረግ አስፈላጊ መሆኑንም አስረድተዋል ። “የውጭ ጠላቶቻችን የሀገራችን መዳከም ብቻ ሳይሆን መበታተን የግድ አስፈላጊ ነው ብለው እየተረባረቡ ይገኛሉም” ብለዋል ። በመድረኩ ላይ “ህገ-መንግስትና ህገ-መንግስታዊ ስርዓት በኢትዮጵያ” በሚል ርዕስ የመወያያ ጽሑፍ ያቀረቡት ዶክተር መንበረጸሐይ ታደሰ በበኩላቸው አራተኛ ህገ-መንግስት የሆነው የአሁኑ ህገ-መንግስት የተረቀቀው በኢትዮጵያ ብሄሮች፣ብሄረሰቦችና ህዝቦች ሰፊ ውይይት ተደርጎበት መሆኑን ተናግረዋል። ህገ-መንግስቱ ከመጽደቁና ተግባራዊ ከመደረጉ በፊትም በ22 ሺህ ቀበሌዎች ውስጥ በህዘብ ሰፊ ውይይት የተደረገበት ከመሆኑም ባለፈ፣በዓለም አቀፍ መስፈርት መሰረት የህገ-መንግስት አርቃቂ ኮሚሽን ተቋቁሞና በወቅቱ ለነበረው የተወካዮች ምክር ቤት ቀርቦ እንደነበርም አስታውሰዋል።
ህገ-መንግስቱ በተለይ በብሄር ብሄረሰቦችና ህዝቦች ውስጥ የነበሩ መሰረታዊ የማንነት፣የሰላም እጦትና የመሬት ባለቤትነት ጥያቄዎችን የመለሰ መሆኑንም አስረድተዋል። ለሁለት ቀናት በሚካሔደው መድረክ ላይ “ህብረ-ብሄራዊ ፌደራላዊ ስርዓት በኢትዮጵያ”፣”የህግ የበላይነትና ሰላምና ደህንነት በኢትዮጵያ” ና “ምርጫ 2012 በኢትዮጵያ” በሚሉ-ርእሰ ጉዳዮች ላይ በምሁራን ጽሁፎች ቀርበው ውይይት እንደሚደረግባቸው ይጠበቃል። በመድረኩ ላይ ክልላዊና ሀገራዊ የፖለቲካ ፓርቲዎች ፣ የሃይማኖት አባቶችና ምሁራን እየተሳተፉ ይገኛሉ።
Back to Front Page |
